Իրանի և Միացյալ Նահանգների միջև մի շարք վիճելի հարցերի շուրջ առաջընթաց է գրանցվել, սակայն համաձայնության չեն հասնի՝ առանց բոլոր տարաձայնությունները լուծելու։
Այս մասին հայտնել է Tasnim լրատվական գործակալությունը՝ հղում անելով իրանական բանակցային թիմին մոտ կանգնած աղբյուրին։ Աղբյուրի խոսքով՝ «վիճելի հարցերի շուրջ բանակցություններն ու խորհրդակցությունները դեռևս շարունակվում են»՝ Պակիստանի միջնորդությամբ։ Աղբյուրը ընդգծել է, որ «որոշ հարցերի շուրջ որոշակի առաջընթաց է գրանցվել, սակայն մինչև բոլոր վիճելի հարցերը չլուծվեն, համաձայնության չի հասնի»։
Աղբյուրի խոսքով՝ «ներկայումս հիմնական ուշադրությունը պատերազմի դադարեցման վրա է, և մինչև այս հարցը չլուծվի, այլ հարցեր չեն քննարկվի»։
