Ռուսաստանի նախագահ Վլադիմիր Պուտինը վստահություն է հայտնել, որ Պեկին կատարած իր այցը կամրապնդի ռուս-չինական բարեկամությունը։
Պուտինը պաշտոնական այցով Չինաստան է ժամանել մայիսի 19-ին։ Չորեքշաբթի օրը Պեկինի Ժողովրդական մեծ դահլիճում տեղի են ունեցել Ռուսաստանի նախագահի և Չինաստանի նախագահ Սի Ծինփինի միջև բանակցությունները։
«Ես վստահ եմ, որ այս այցը և բանակցությունները կամրապնդեն ռուս-չինական բարեկամությունը և կնպաստեն մեր ժողովուրդների բարեկեցությանն ու բարգավաճմանը», - ասել է Պուտինը ռուս-չինական բանակցություններից հետո իր ելույթում։
