Եվրոպական հանձնաժողովի (ԵՀ) նախագահ Ուրսուլա ֆոն դեր Լայենը կարող է տարվա վերջին այցելել Գրենլանդիա և հայտարարել կղզու համար «տասնյակ միլիոնավոր եվրո» հատկացնելու մասին, հաղորդում է Politico-ն՝ հղում անելով աղբյուրներին։ Հրապարակման համաձայն, միջազգային գործընկերության հարցերով եվրահանձնակատար Յոզեֆ Սիկելան մայիսի 19-ին կայցելի Գրենլանդիա։ Այնտեղ նա կհանդիպի Դանիայի վարչապետ Յենս-Ֆրեդերիկ Նիլսենի հետ, ինչը կարող է համարվել ԵՀ նախագահի այցի նախապատրաստություն։
Սիկելան նաև կմասնակցի «Գրենլանդիայի ապագան» բիզնես համաժողովին։ Թերթը նշել է, որ Գրենլանդիայի հարցերով ԱՄՆ հատուկ ներկայացուցիչ, Լուիզիանայի նահանգապետ Ջեֆ Լենդրին, կմասնակցի այս միջոցառմանը, սակայն եվրահանձնակատարի հետ հանդիպում նախատեսված չէ։
Միևնույն ժամանակ, մի շարք դանիացի պաշտոնյաներ կարծիք են հայտնել, որ ամերիկացի առաջնորդ Դոնալդ Թրամփը «չի հրաժարվել այս տարածքը ԱՄՆ վերահսկողության տակ վերցնելուց», չնայած այն հանգամանքին, որ Գրենլանդիայի վերաբերյալ նրա հռետորաբանությունը վերջերս ավելի զուսպ է դարձել։
