Իրանը կպատասխանի ԱՄՆ-ին և Իսրայելին Իրանի Իսլամական հեղափոխության պահապանների կորպուսի ռազմածովային հրամանատար Ալիռեզա Թանգսիրիի մահվան համար, հայտարարել է Իրանի զինված ուժերի «Խաթամ ալ-Անբիա» կենտրոնական շտաբի հրամանատար Ալի Աբդոլլահին։
Իսրայելի պաշտպանության նախարար Իսրայել Կացը մարտի 26-ին հայտարարել է, որ Թանգսիրին սպանվել է Իսրայելի հարվածի արդյունքում։ Իրանը երկուշաբթի օրը հաստատել է բարձրաստիճան ռազմական հրամանատարի մահը։
«Թույլ թշնամիները ավելի ջախջախիչ և ծանր հարված կկրեն հերոսական Իսլամական հեղափոխության պահապանների կորպուսի զինվորներից, քան նախկինում», - ասել է Աբդոլլահին, ըստ «Ֆարս» լրատվական գործակալության։
