Օլիվիա Դինը թագադրվել է որպես Մեծ Բրիտանիայի պոպի նոր թագուհի՝ արժանանալով միանգամից չորս հեղինակավոր մրցանակի։ Պատմական իրադարձությունը հատկանշական էր նաև նրանով, որ գրեթե 50-ամյա պատմության ընթացքում առաջին անգամ մրցանակաբաշխությունը Լոնդոնից տեղափոխվել էր Մանչեսթեր։
«Լավագույն բրիտանացի արտիստ» անվանակարգում Դինը հաղթել է այնպիսի ճանաչված կատարողների, ինչպիսիք են Լոլա Յանգը, Դեյվը և Սեմ Ֆենդերը։
Բացի այդ, երգչուհին արժանացել է «Լավագույն ալբոմ» մրցանակին իր «The Art of Loving» ալբոմի համար, ինչպես նաև «Տարվա երգ» մրցանակին՝ Ֆենդերի հետ համատեղ կատարած «Rein Me In» ստեղծագործության համար։
26-ամյա արտիստը միջոցառման ընթացքում ներկայացրել է իր «Man I Need» երգը, որով արժանացել է «Լավագույն պոպ կատարող» անվանակարգին։
