Այսօր՝ փետրվարի 22-ին, խոշոր հրդեհ է տեղի ունեցել Արմավիրի մարզում։ Ժամը 17։50-ի սահմաններում ՀՀ ներքին գործերի նախարարության 112 օպերատիվ կառավարման կենտրոն ահազանգ է ստացվել, որ Արմավիրի մարզի Մերձավան բնակավայրի տարածքում գործող կահույքի արտադրամասում հրդեհ է բռնկվել։
Ինչպես դեպքի վայրից հայտնում է ֆոտոլրագրող Գագիկ Շամշյանը, մինչ կժամանեին Երևանի հրշեջ փրկարարական ջոկատներից մի քանի մարտական հաշվարկ, կրակի տարածման դեմ պայքարել են կահույքի արտադրամասի աշխատակիցները, ապա ժամանած հրդեհաշիջման և փրկարարական աշխատանքների կազմակերպան բաժնի հոգեբանական աջակցության և բժշկական ապահովման վարչության հերթապահ խմբերի ժամանից հետո հրշեջ փրկարարները կանխել են իրակի տարածումը, ապա մարել այն։
Տեղում հայտարարվել է հրդեհի բարդության «1ԲԻՍ» կանչ։
Դեպքի փաստով ոստիկանության Վաղարշապատի բաժնում փաստաթղթեր են կազմվում և հնարավոր է այն փոխանցվի ՀՀ Քննչական կոմիտեի Արմավիրի մարզային քննչական վարչության Վաղարշապատի քննչական բաժին։
Այրվել է ներսում գտնվող կահույք, փայտե պարագաներ, էլեկտրական հաստոցներ, առաստաղը և այլ իրեր։
Ոստիկանությունը պարզում է հրդեհի պատճառները։
