«Ռոստովի» հայ կիսապաշտպան Խորեն Բայրամյանը պատասխանել է այն հարցին, թե երբ է պատրաստվում ավարտել իր ֆուտբոլային կարիերան։
«Այս պահին ինձ ֆիզիկապես և հոգեպես հարմարավետ եմ զգում։ Կարծում եմ՝ բավականաչափ ուժ ունեմ ևս երկու տարի խաղալու համար։
Մտքումդ ամեն ինչ հասկանում ես և կարծում, որ կարող ես հաղթահարել, բայց տարիքի հետ մարմինը կարող է մի փոքր ավելի դանդաղ արձագանքել»,– Բայրամյանի խոսքերն է մեջբերում «РБ Спорт»-ը։
Խորեն Բայրամյանն այժմ 34 տարեկան է։ Նա վերջին 15 տարիների ընթացքում հանդես է գալիս «Ռոստովում»։ Փորձառու ֆուտբոլիստի գործող պայմանագիրը ռուսական ակումբի հետ նախատեսված է մինչև 2026 թվականի ամառը։
Հայաստանի ազգային հավաքականի կազմում Բայրամյանը մասնակցել է 22 հանդիպման՝ դառնալով 2 գոլի և 1 գոլային փոխանցման հեղինակ։
