Ֆրանսիան և նրա դաշնակիցները սկսել են ORION 2026 ռազմական զորավարժությունների ակտիվ փուլը, որի շրջանակում ներգրավված կլինի ավելի քան 12 հազար զինծառայող, հայտնում է Le Parisien-ը։
«Ավելի քան 12 հազար զինծառայող, որոնց մեկ երրորդը եկել է դաշնակից երկրներից, աստիճանաբար տեղակայվելու են երկրի (Ֆրանսիայի) տարածքում փետրվարի 8-ից ապրիլի 30-ը», — նշվում է հրապարակման մեջ։
Զորավարժությունների շրջանակում զինծառայողների հետ ներգրավված կլինեն 140 ինքնաթիռ և ուղղաթիռ, 1200 անօդաչու թռչող սարք, 2150 միավոր տեխնիկա՝ այդ թվում զրահափոխադրիչներ և տանկեր, ինչպես նաև ավիածովային «Շառլ դե Գոլլ» նավը, հայտնում է թերթը։
