ՆԱՏՕ-ի անդամ երկրների մարտական ինքնաթիռները Էստոնիայի օդային տարածքում մարզական թռիչքներ կկատարեն փետրվարի 9–15-ը, հայտնում է ERR հեռուստառադիոընկերությունը։
«Այս շաբաթ դաշնակիցների (ՆԱՏՕ) մարտական ինքնաթիռները Էստոնիայի օդային տարածքում կկատարեն մի շարք մարզական թռիչքներ, այդ թվում՝ ցածր բարձրություններում», — նշվում է հեռուստառադիոընկերության կայքում։
Այնուհետև նշվում է, որ փետրվարի 9–15-ը անցկացվող զորավարժությունների ընթացքում հնարավոր է իրականացվեն նաև գերձայնային թռիչքներ։ ՆԱՏՕ-ի առաքելությունը՝ Բալթյան երկրների օդային տարածքը պահպանելու համար, իրականացվում է 2004 թվականից, երբ Լիտվան, Լատվիան և Էստոնիան միացել են Հյուսիսատլանտյան դաշինքին։
