Նախօրեին Միլանում օլիմպիական խաղերի անցկացման դեմ ցույցեր են տեղի ունեցել։ Ցույցին մասնակցել են խմբեր Միլանից, Լոմբարդիայից և Իտալիայի հյուսիսային այլ շրջաններից։ Ցուցարարները իրենց դժգոհությունն են հայտնել օլիմպիական օբյեկտների կառուցման շրջակա միջավայրի վրա ունեցած ազդեցությունից, ինչպես նաև այն, ինչ նրանք անվանում են Խաղերի պատճառած «տնտեսական և սոցիալական վնաս»։ Երթը կազմակերպել էր «Անկայուն Օլիմպիական խաղերի կոմիտե» կոչվող ակտիվիստական կազմակերպությունը, որը համախմբել էր մարդկանց՝ տեղական սպորտային նախաձեռնություններից, քաղաքացիական և բնապահպանական շարժումներից, ուսանողներից, բնակարանային իրավունքների ակտիվիստներից, մարտական արհմիություններից, պաղեստինամետ ցանցերից և տրանսֆեմինիստական հավաքականներից։
Գիշերվա ընթացքում ցույցը բռնության է վերաճել, երբ որոշ ցուցարարներ թիրախավորել են ոստիկաններին՝ նրանց ուղղությամբ նետելով հրավառ միջոցներ և լուսարձակող ազդանշանային կրակներ (ֆլերներ)։ Ի պատասխան՝ իշխանությունները ցուցարարների դեմ կիրառել են արցունքաբեր գազ և ջրցան մեքենաներ։
2026 թվականի Ձմեռային Օլիմպիական խաղերը պաշտոնապես մեկնարկել են փետրվարի 7-ին՝ Միլանի հայտնի «Սան Սիրո» մարզադաշտում անցկացված բացման հանդիսավոր արարողությամբ, որը նվիրված էր Իտալիայի հարուստ արվեստին և մշակույթին։
