ԱՄՆ Կոնգրեսի Ներկայացուցիչների պալատի դեմոկրատ անդամ Ռո Խաննան ուսումնասիրում է 500 միլիոն ԱՄՆ դոլարի ներդրումները, որոնք Արաբական Միացյալ Էմիրությունների իշխանությունների ներկայացուցիչների կողմից ուղղվել են World Liberty Financial (WLF) կրիպտոընկերությանը, որը կապվում է ԱՄՆ նախագահ Դոնալդ Թրամփի ընտանիքի հետ։ Այդ մասին չորեքշաբթի հայտնել է The Wall Street Journal (WSJ) թերթը։
Օրենսդիրը WLF-ի ղեկավար Զաք Ուիթքոֆից՝ ԱՄՆ նախագահի հատուկ բանագնացի և այդ ընկերության համահիմնադիր Սթիվեն Ուիթքոֆի որդուց, պահանջել է ներկայացնել փաստաթղթեր այն գաղտնի գործարքի վերաբերյալ, որը կնքվել է Թրամփի երդմնակալությունից կարճ ժամանակ առաջ՝ 2025 թվականի հունվարին։
Պարբերականի տվյալներով՝ ընկերության բաժնետոմսերի 49 տոկոսի վաճառքի վերաբերյալ 500 միլիոն դոլարի գործարքը ստորագրվել է Դոնալդ Թրամփի որդու՝ Էրիկ Թրամփի, ինչպես նաև ԱՄԷ նախագահի ազգային անվտանգության հարցերով խորհրդական շեյխ Թահնուն բեն Զայեդ Ալ Նահայյանի վստահված անձանց կողմից։
