Թալանել են ՀՀ ազգային հերոս, գնդապետ Թաթուլ Ղազարյանի տունը: Այս մասին հայտնում է լրագրող Ոսկան Սարգսյանը:
«Իջևան քաղաքի հարակից Գետահովիտ գյուղում թալանել են ՀՀ ազգային հերոս, Իջևանի գնդի հրամանատար , 44-օրյա պատերազմում հերոսաբար զոհված Թաթուլ Ղազարյանի նորակառույց, սակայն չբնակեցված առանձնատունը։
Գողացել են «Բաքսի» կոչվող ջեռուցման համակարգ, հեռուստացույց և այլն, գողերի կողմից ջեռուցման համակարգը հանելու հետևանքով առանձնատան առաջին հարկը հեղեղվել է ջրով։ Իրավապահները բացահայտել են գողությունը, որը կատարել է հանցախումբ»,– գրել է նա։
