Ռուս զբոսաշրջիկների ներհոսքը Հայաստան 2024 թվականի 9 ամսում 2023 թվականի նույն ժամանակահատվածի համեմատ նվազել է 6,8 տոկոսով։ Այս մասին Ազգային ժողովում հոկտեմբերի 31-ին 2025 թվականի պետական բյուջեի նախագծի քննարկման ժամանակ մշտական խորհրդարանական հանձնաժողովների համատեղ նիստում հայտարարեց Հանրապետության էկոնոմիկայի նախարար Գևորգ Պապոյանը։
Վերջինս նշեց որ, նախկինում ռուսների մասնաբաժինը զբոսաշրջային ընդհանուր հոսքում կազմում էր 50 տոկոս։ Այս տարի այն կազմել է 43%։«2024 թվականի հունվար-սեպտեմբերին Ռուսաստանից ժամանած այցելուների թիվը կազմել է 741 հազար մարդ»,- ասաց Պապոյանը։ Այս կրճատման պատճառներից մեկը նախարարը համարեց ռուսական հեռուստաալիքների գործունեությունը։
«Ռուսական հեռուստաալիքները, մասնավորապես, հայտնել են, որ Երևանի փողոցներում 200 հազար մարդ կա։ Այդ պատճառով գարնանն այստեղ ավելի քիչ զբոսաշրջիկներ են եկել»,- պարզաբանեց կառավարության ներկայացուցիչը։Միաժամանակ, երկիր ընդհանուր առմամբ, ինչպես նշել է նախարարը, այցելել է 1 մլն 721 հազար 245 մարդ։
