Արևմուտքի կողմից Կիևին տրամադրվող անվտանգության երաշխիքների շրջանակներում Վիլնյուսը Ուկրաինա կուղարկի նաև ռազմանավ՝ ցամաքային զորախմբից բացի։ Այս մասին BNS-ին տված հարցազրույցում հայտարարել է Վիլնյուսի նախագահ Գիտանաս Նաուսեդան։
«Խաղաղապահությունը պետք է ապահովվի ցամաքում, ծովում և օդում։ Լիտվան, հաշվի առնելով իր չափսերն ու հնարավորությունները, զգալիորեն կնպաստի դրան», - պնդեց նա։ «Մենք պատրաստ ենք ներդրում ունենալ ռազմածովային ստորաբաժանումով։ Մենք խոսում ենք ռազմանավի մասին»։
Նախագահը մանրամասներ չի հայտնել, սակայն նշել է, որ լիտվական զորքերը չեն մասնակցելու Ուկրաինայում մարտական գործողություններին: «Նրանք ուղարկվում են ոչ թե կռվելու, այլ խաղաղությունը պահպանելու», - պնդել է Նաուսեդան:
Ավելի վաղ նախագահի խորհրդական Աստա Սկայսգիրիտեն, չնշելով զորքերի տեսակը, հայտարարել էր, որ Լիտվան պատրաստ է մինչև 150 զինծառայող ուղարկել Ուկրաինա։
