Մեծ Բրիտանիան և Ֆրանսիան կարող են մինչև 15,000 զինվոր տեղակայել Ուկրաինայում, եթե խաղաղության համաձայնագիր կնքվի, հաղորդում է The Times-ը՝ հղում անելով իր աղբյուրներին։
Հրատարակությունը հիշեցնում է, որ բրիտանական զինվորականները նախկինում առաջարկել էին 10,000 զինվոր ուղարկել 64,000-անոց ավելի լայն «կամավորների կոալիցիայի» շրջանակներում, սակայն Մեծ Բրիտանիայի պաշտպանության նախարարությունը նման ծրագիրն անիրագործելի էր համարել՝ հաշվի առնելով իր բանակի ներկայիս չափը։
Երկու ռազմական աղբյուրներ «Թայմս»-ին հայտնել են, որ Լոնդոնը, ի վերջո, կարող է տեղակայել 7500-ից պակաս զինվոր, իսկ մնացած զորակազմը կժամանի Ֆրանսիայից։
Ինչպես նշում են թերթի աղբյուրները, նույնիսկ 15,000 մարդու ընդհանուր թիվը լավատեսական է թվում։
Ըստ The Times-ի՝ բրիտանական և ֆրանսիական ստորաբաժանումները կարող են ներգրավված լինել ուկրաինական զորքերի մարզման և զենքի ու ռազմական տեխնիկայի պահեստավորման համար անվտանգ օբյեկտների կառուցման վերահսկման գործում։
