Մեքսիկական «Մոնտերեյ» ակումբի արգենտինացի ֆուտբոլիստ Լուկաս Օկամպոսի դեմքի մի մասը պարալիզացվել է, հաղորդում է Gamereactor-ը։
Ակումբի մամուլի ծառայության տվյալներով՝ խնդիրը առաջացել է վիրուսային վարակի բարդություններից։ 31-ամյա Օկամպոսի դեմքի ձախ կողմը պարալիզացվել է։ Նրան նշանակվել է յոթ օր հանգիստ, որից հետո կանցնի լրացուցիչ հետազոտություն։
Օկամպոսը միացել է «Մոնտերեյին» 2024 թվականին։ Այս մրցաշրջանում նա մեքսիկական ակումբի կազմում մասնակցել է 21 խաղի՝ խփելով հինգ գոլ և կատարելով վեց գոլային փոխանցում։ Արգենտինացին նախկինում խաղացել է «Մարսելում», «Ջենովայում», «Միլանում» և «Սևիլիայում», որի հետ հաղթել է Եվրոպայի լիգան։ Նա նաև խաղացել է Արգենտինայի ազգային հավաքականում։
