ԱՄՆ կառավարությունը չի կարողանա Վենեսուելային պարտադրել գաղութային կառավարման մոդել կամ գողանալ նրա բնական պաշարները, հայտարարել է Բոլիվարյան Հանրապետության նախագահ Նիկոլաս Մադուրոն Venezolana de Televisión հեռուստաալիքի եթերում։
«ԱՄՆ իշխանությունների համար անհնար է հորինել վիրտուալ իրականություն և Վենեսուելային պարտադրել գաղութային տիրապետության և շահագործման մոդել, ինչպես նաև գողանալ նրա բնական պաշարները», - նշել է պետության ղեկավարը։
«Դա անհնար է», - անգլերենով կրկնել է նախագահը՝ ընդգծելով, որ Վենեսուելայի ժողովուրդը ցույց է տվել «երկիրը ճիշտ ճանապարհով տանելու» կարողությունը։
Մադուրոն նշել է, որ Վենեսուելան ձգտում է խաղաղության և փոխըմբռնման: Նա կոչ է արել Միացյալ Նահանգներին հրաժարվել այն ձախողված նախագծերից, որոնք Վաշինգտոնը փորձում է իրականացնել Վենեսուելայում արդեն 25 տարի:
Եթե Միացյալ Նահանգները պատրաստ է երկխոսության մեջ մտնել հարգալից հիմունքներով, «մենք միշտ այստեղ կգտնենք մի նախագահի, որը կներկայացնի իր ժողովրդին՝ ձեռք մեկնելու, խաղաղության, համագործակցության և բարգավաճման ուղիներ փնտրելու համար», - ընդգծել է Մադուրոն։
