Վրաստանի վարչապետ Իրակլի Կոբախիձեն կոչ է արել խորհրդարանին և իրավապահ մարմիններին ուսումնասիրել և միջոցներ ձեռնարկել երկրի սպառողական ցանցում գների իջեցման համար՝ անհրաժեշտության դեպքում օգտագործելով հակամենաշնորհային մեխանիզմներ։
«Վրաստանում առանձին մանրածախ առևտրի ցանցերի զուտ շահույթը կազմում է մինչև 14%, մինչդեռ Եվրոպայում այն միջինում կազմում է 2%», – սպառողական գների վերաբերյալ հատուկ տեսաուղերձում ասել է Կոբախիձեն։ Նա նշել է, որ Վրաստանի և եվրոպական երկրների միջև գների տարբերությունը զգալի է։
«Եթե համեմատենք նույն միջազգային ապրանքանիշի խանութների ցանցերի գները Վրաստանում և Ֆրանսիայում, ապա Վրաստանում արևածաղկի ձեթը 34%-ով ավելի թանկ է, մակարոնեղենը՝ 97%-ով, բրինձը՝ 180%-ով, կարագը՝ 30%-ով, պանիրը՝ 42%-ով, իսկ շոկոլադը՝ 47%-ով», – ասել է Վրաստանի վարչապետը։
