Դանիայի ժողովրդական կուսակցության Եվրախորհրդարանի (ԵԽ) անդամ Անդերս Վիստիսենը կարծում է, որ ԱՄՆ նախագահ Դոնալդ Թրամփը կարող է տնտեսական միջոցներով վերահսկողություն հաստատել Գրենլանդիայի նկատմամբ՝ «առանց կրակոց արձակելու»։
«ԱՄՆ-ը կարող է Գրենլանդիայի նկատմամբ վերահսկողություն ձեռք բերել առանց որևէ կրակոց արձակելու՝ ներդրումների, տնտեսական կախվածության և անվտանգության քաղաքականության իրողությունների միջոցով», - ասել է նա եվրոպական Politico հրատարակությանը տված հարցազրույցում։
Եվրախորհրդարանի անդամը նաև նշել է, որ Դանիան «չի կարող միայնակ պաշտպանել Գրենլանդիան», ենթադրելով, որ ցանկացած ռազմական միջամտություն Վաշինգտոնի համար կլինի «քաղաքական ինքնասպանություն»։ Նա նաև պնդել է, որ Գրենլանդիայի անկախության մասին խոսակցությունները կարող են հանգեցնել կղզու «արկտիկական Պուերտո Ռիկոյի» վերածվելուն։
Դեկտեմբերի 22-ին Դանիայի արտաքին գործերի նախարարությունը կանչեց ԱՄՆ դեսպան Քեն Հաուերիին՝ կապված Թրամփի կողմից Լուիզիանայի նահանգապետ Ջեֆ Լենդրիին Գրենլանդիայի հարցերով իր հատուկ դեսպան նշանակելու հետ։ Ամերիկացի առաջնորդի խոսքով՝ նահանգապետը «հասկանում է, որ Գրենլանդիան կենսական նշանակություն ունի ազգային անվտանգության համար և վճռականորեն կպաշտպանի ԱՄՆ շահերը՝ անվտանգության համար»։
