Ճապոնիան և Հարավային Կորեան հայտարարել են ՌԴ-ի և ԿԺԴՀ-ի դեմ պատժամիջոցների մասին

24.05.2024 15:10 | Կատեգորիա Համաշխարհային

Ճապոնիայի կառավարությունը պատժամիջոցներ է սահմանել Ռուսաստանի նկատմամբ՝ Հյուսիսային Կորեայից զենք ստանալու և Ուկրաինայում շարունակվող ռազմական գործողությունների պատճառով: Պատժամիջոցները սահմանվել են ռուսաստանյան ինը ընկերության, Կիպրոսում գրանցված երկու ընկերությունների և ռուսաստանցի մեկ գործարարի նկատմամբ։Ինչպես «Արմենպրես»-ը տեղեկանում է BBC-ի ռուսական ծառայությունից, այդ մասին մայիսի 24-ին Տոկիոյում կայացած մամուլի ասուլիսում հայտարարել է Ճապոնիայի կառավարության գլխավոր քարտուղար Յոսիմասա Հայասին։ Նա չի հստակեցրել ընկերությունների անունները և ռուսաստանցու անունը։Բացի այդ, Մոսկվայի և Փհենյանի դեմ պատժամիջոցներ սահմանելու մասին է հայտարարել Սեուլը։ Հարավային Կորեայի պատժամիջոցները վերաբերում են ԿԺԴՀ-ի յոթ քաղաքացիների և երկու ռուսական նավերի:Ըստ Հարավային Կորեայի արտգործնախարարության հայտարարության՝ նշված անձանց և ռուսական նավերի դեմ պատժամիջոցները կապված են Փհենյանի միջուկային և հրթիռային մշակումների համար նյութերի մատակարարման և այդ մշակումների ֆինանսավորման մեջ նրանց ներգրավվածության հետ։Սեուլի հայտարարության մեջ նաև ասվում է, որ պատժամիջոցների տակ հայտնված քաղաքացիներն ու կազմակերպությունները զբաղվում էին ԿԺԴՀ-ի և Ռուսաստանի միջև զինամթերք փոխադրելով: Ցուցակում ներառված անձանց հետ ցանկացած ֆինանսական գործարք կպահանջի Հարավային Կորեայի իշխանությունների հատուկ թույլտվությունը:

Հենց նման բարդ իրավիճակներում են Հայաստանի պես պետությունների համար ի հայտ գալիս ոչ միայն ռիսկեր, այլ նաև՝ հնարավորություններ․ Ոսկանյան

10.02.2026 22:20 | Կատեգորիա Մտքեր

Վաղարշակ Հարությունյանին առաջարկել եմ գլխավորել մեր ցուցակը առաջիկա ԱԺ ընտրություններին․ Վահան Բաբայան

11.02.2026 19:48 | Կատեգորիա Մտքեր

Փետրվարի 12-ին, 13-ին, 16-ին, 17-ին և 19-ին հարյուրավոր հասցեներում լույս չի լինելու

12.02.2026 00:20 | Կատեգորիա Հասարակություն

ՈՒՂԻՂ

Գարունը նոր ֆինանսական հնարավորությունները ու հեռանկարներ կբերի կենդանակերպի երեք նշանների