Միացյալ Նահանգները դադարեցնում է «Կանաչ քարտի» վիճակախաղի ծրագիրը։ Այս մասին հայտարարել է ներքին անվտանգության նախարար Քրիստի Նոեմը X սոցիալական ցանցում։
Նա այս որոշումը բացատրել է այն փաստով, որ դեկտեմբերին Բրաունի համալսարանում կրակոցներ իրականացրած անձը, որտեղ երկու մարդ զոհվեց, Միացյալ Նահանգներ է ժամանել «Բազմազանության վիճակախաղ» (DV-1) ծրագրով, այսինքն՝ նա շահել է«Գրին քարտ»։
«Նախագահ Թրամփի ցուցումով ես անմիջապես հրահանգում եմ ԱՄՆ քաղաքացիության և ներգաղթի ծառայությանը (USCIS) կասեցնել DV1 ծրագիրը՝ ապահովելու համար, որ այս վնասակար ծրագրից այլևս ոչ մի ամերիկացի չտուժի», - գրել է Նոեմը։
