ԱՄՆ նախագահ Դոնալդ Թրամփը հունվարի 20-ին իր պաշտոնը ստանձնելուց ի վեր ավելի շատ գործադիր հրամանագրեր է ստորագրել, քան իր առաջին նախագահական ժամկետի ամբողջ չորս տարիների ընթացքում (2017-2021), հաղորդում է The Washington Post-ը։
Նշվում է, որ դեկտեմբերի 15-ին Թրամփի կողմից ստորագրված օփիոիդային ֆենտանիլը որպես զանգվածային ոչնչացման զենք ճանաչելու մասին գործադիր հրամանագիրը նրա պաշտոնը ստանձնելուց ի վեր 221-րդն է։ Իր առաջին ժամկետի ընթացքում՝ 2017-ից 2021 թվականներին, Թրամփը ստորագրել է 220 գործադիր հրամանագիր։
Իր երկրորդ նախագահության մեկ տարուց էլ պակաս ժամանակահատվածում Թրամփը ստորագրել է գործադիր հրամանագրեր, որոնք վերաբերում են տարբեր ոլորտների, այդ թվում՝ տնտեսությանը, իրավունքին և մշակույթին։ Թերթը նշում է, որ դրանց գրեթե մեկ քառորդը վերաբերում էր տնտեսությանը և առևտրային քաղաքականությանը։
