ԱՄՆ նախագահ Դոնալդ Թրամփը մտադիր է դիմավորել Պալմիրայում կրակոցների ժամանակ զոհված ամերիկացի զինծառայողների մարմինները տեղափոխող ինքնաթիռը, Fox News-ի եթերում հայտարարել է Սպիտակ տան մամուլի քարտուղար Քերոլայն Լիվիտը։
«Նախագահ Թրամփը կմեկնի Դովերի ռազմաօդային բազա՝ զոհերի ընտանիքների հետ հանդիպելու և նրանց մարմինները ստանալու այստեղ՝ տանը»,-ասել է Լիվիթը։
Ինչպես ավելի վաղ հայտնել էր Պենտագոնը, երկու ամերիկացի զինվոր և մեկ ամերիկացի թարգմանիչ են զոհվել Սիրիայի Հոմս նահանգի կենտրոնական մասում գտնվող Պալմիրա քաղաքի մոտակայքում։
Ամերիկյան կողմի պնդմամբ՝ նրանք աջակցություն են ցուցաբերել տարածաշրջանում «Իսլամական պետություն» ահաբեկչական խմբավորման դեմ գործողություններին: ԱՄՆ պաշտպանության նախարար Փիթ Հեգսեթը X-ում նշել է, որ հարձակման հեղինակը «սպանվել է գործընկեր ուժերի կողմից»:
«Սիրիա» հեռուստաընկերությունը, հղում անելով աղբյուրին, նաև հաղորդել է, որ Պալմիրայի մոտակայքում տեղի ունեցած կրակոցների հետևանքով զոհվել է մեկ սիրիացի անվտանգության աշխատակից, իսկ երեք ամերիկացի զինծառայող վիրավորվել է։
