Մեծ Բրիտանիայի վարչապետ Քիր Սթարմերը խնդրել է Պաշտպանության նախարարությանը վերանայել իր ռազմական ներդրումների ծրագիրը՝ ֆինանսական սահմանափակումների պատճառով, և փաստաթղթի հրապարակումը կարող է հետաձգվել մինչև 2026 թվականը, հաղորդում է Financial Times (FT)-ը՝ հղում անելով աղբյուրներին։
Հրատարակության տվյալներով՝ ռազմական ղեկավարները պնդում են պաշտպանական ծախսերի ավելացման վրա, սակայն Սթարմերը և ֆինանսների նախարար Ռեյչել Ռիվզը բախվում են լուրջ ֆինանսական սահմանափակումների։
Այժմ ռազմական ներդրումների ծրագիրը, որը պետք է հրապարակվեր մինչև Սուրբ Ծնունդ, քիչ հավանական է, որ պատրաստ լինի մինչև Նոր տարի, նշում է հրատարակությունը։
Քննարկումներին մոտ կանգնած աղբյուրների համաձայն՝ Սթարմերը «մտահոգված է ծրագրի որոշ ասպեկտներով, մասնավորապես՝ արժեքին վերաբերողներով»։ Նրանք հավելել են, որ վարչապետի գրասենյակի և Պաշտպանության նախարարության միջև «կան կարծիքների տարբերություններ»։
