Ամերիկյան և ուկրաինական կողմերը շարունակել են բանակցությունները Բեռլինում: DPA լրատվական գործակալության փոխանցմամբ՝ Վլադիմիր Զելենսկին, ԱՄՆ նախագահի հատուկ դեսպանորդ Սթիվեն Ուիթքոֆը և Դոնալդ Թրամփի փեսան՝ Ջարեդ Քուշները, հանդիպում են Դաշնային կանցլերությունում:
Ինչպես բանակցությունների նախորդ օրը, այս անգամ էլ մանրամասներ չեն հաղորդվել։
Դեկտեմբերի 14-ին Բեռլինում տեղի ունեցավ ամերիկյան և ուկրաինական պատվիրակությունների հանդիպումը՝ Ուկրաինայում հակամարտության կարգավորման վերաբերյալ։ ԱՄՆ պատվիրակության կազմում էին Ուիթքոֆը և Քուշները։ Ուկրաինական կողմը ներկայացնում են Զելենսկին, Ազգային անվտանգության և պաշտպանության խորհրդի քարտուղար Ռուստեմ Ումերովը և Ուկրաինայի զինված ուժերի գլխավոր շտաբի պետ Անդրեյ Խնատովը։
