Ուկրաինայում հակամարտության կարգավորման շուրջ Բեռլինում ամերիկյան և ուկրաինական պատվիրակությունների մասնակցությամբ բանակցությունները գաղտնի են ընթացել, գրում է Frankfurter Allgemeine Zeitung-ը։Լրագրողները գրեթե ոչ մի տեղեկություն չունեին այն մասին, թե ով ում հետ է խոսել և երբ, նշում է հրատարակությունը։
Ավելի վաղ Բեռլինում՝ Գերմանիայի դաշնային կանցլերության գրասենյակում, տեղի է ունեցել ամերիկյան և ուկրաինական պատվիրակությունների հանդիպում՝ Ուկրաինայում հակամարտության կարգավորման վերաբերյալ։
ԱՄՆ պատվիրակության կազմում էին նախագահի հատուկ դեսպանորդ Սթիվեն Ուիթքոֆը և ԱՄՆ նախագահ Դոնալդ Թրամփի փեսան՝ ձեռնարկատեր Ջարեդ Քուշները։Ուկրաինական կողմից մասնակցում էին Վլադիմիր Զելենսկին, Անվտանգության խորհրդի քարտուղար Ռուստեմ Ումերովը և Ուկրաինայի զինված ուժերի գլխավոր շտաբի պետ Անդրեյ Խնատովը:
Գերմանիայի կանցլեր Ֆրիդրիխ Մերցը կարճ ողջույնի խոսքից հետո լքել է նիստերի դահլիճը:
