Միջազգային հանրությունը պետք է ուժեղ աջակցություն ցուցաբերի Գազայի խաղաղության գործընթացին, հայտարարել է Թուրքիայի նախագահ Ռեջեփ Թայիփ Էրդողանը Աշխաբադում «Խաղաղության և վստահության միջազգային ֆորում»-ում։
«Գազայում մենք ականատես ենք եղել անցյալ դարի ամենադաժան կոտորածներից մի քանիսին։ Գազայում հրադադարի ապահովումը և կարիքավորներին մարդասիրական օգնություն հասցնելը մեր գերակա խնդիրներից են։
Գազայում հրադադարը մնում է փխրուն։ Հետևաբար, միջազգային հանրությունը պետք է ուժեղ աջակցություն ցուցաբերի այս գործընթացին, և այդ աջակցությունը պետք է շարունակվի», - ասել է Էրդողանը։
Նա պաշտպանել է պաղեստինցի բնակիչների մասնակցությունը խաղաղության գործընթացի բոլոր փուլերին:
«Վերջնական նպատակը պաղեստինյան խնդրի երկու պետությունների լուծումն է: Ժամանակն է, որ միջազգային հանրությունը կատարի իր պարտավորությունները պաղեստինցի ժողովրդի նկատմամբ»,-նշել է Թուրքիայի նախագահը:
