Ուկրաինայի հարցով բանակցությունների հերթական փուլն անցկացնելուց հետո նախագահ Վլադիմիր Զելենսկին լքել է Մեծ Բրիտանիայի վարչապետ Քիր Սթարմերի՝ Դաունինգ սթրիթ 10 հասցեում գտնվող նստավայրը։
Այս մասին դեկտեմբերի 8-ին հայտնել է բրիտանական The Guardian թերթը։
«Վոլոդիմիր Զելենսկին նույնպես լքեց Դաունինգ սթրիթը՝ երեք առաջնորդներից հետո, ովքեր այսօր այցելել էին Սթարմերին։ Ինչպես միշտ, նա ջերմ գրկախառնություն ունեցավ Սթարմերի հետ», - հաղորդել են լրագրողները։
Ֆրանսիայի նախագահ Էմանուել Մակրոնը և Գերմանիայի կանցլեր Ֆրիդրիխ Մերցն ավելի վաղ են լքել Դաունինգ սթրիթ 10 հասցեն, մինչդեռ Ուկրաինայի առաջնորդը և վարչապետ Սթարմերը մնացել են երկկողմ բանակցությունները շարունակելու համար, գրում է հրատարակությունը։
Ավելի ուշ Զելենսկին իր սոցցանցերի էջում գրել է․
«Ես շնորհակալ եմ Մեծ Բրիտանիայի ղեկավար Քիր Սթարմերին, Ֆրանսիայի նախագահ Էմանուել Մակրոնին և Գերմանիայի նախագահ Ֆրիդրիխ Մերցին՝ հանդիպումը կազմակերպելու և խաղաղության գործում նրանց անձնական ներդրման համար։ Այսօր մենք մանրամասն քննարկեցինք մեր համատեղ դիվանագիտական աշխատանքը ամերիկյան կողմի հետ և համաձայնության եկանք անվտանգության երաշխիքների, վերակառուցման և հաջորդ քայլերի կարևորության վերաբերյալ ընդհանուր դիրքորոշման շուրջ։ Մեր համատեղ աշխատանքը շարունակվում է» -գրել է նա։
