ՊԵԿ պաշտոնական կայքում հրապարակվել է 2024 թ. հունվար-սեպտեմբեր ամիսների ընթացքում առաջին 1000 խոշոր հարկ վճարողների կողմից վճարված հարկերի և վճարների վերաբերյալ տեղեկատվությունը:Հայաստանի խոշորագույն հարկատուն «Զանգեզուրի պղնձամոլիբդենային կոմբինատ» ՓԲԸ-ն է։
Նշված ամիսներին ընկերությունը 83.6 մլրդ դրամի հարկեր ու տուրքեր է վճարել, որը նախորդ տարվա նույն ժամանակաշրջանի համեմատ աճել է 31.3 մլրդ դրամով։
«Զանգեզուրի պղնձամոլիբդենային կոմբինատ»–ին հաջորդում են «Մոբայլ Սենթր Արթ» ՍՊԸ–ն, որը վճարել է 49.1 մլրդ դրամի հարկեր և «Գրանդ Տոբակո»–ն՝ 39.8 մլրդ դրամի հարկեր։ «Գազպրոմ Արմենիա» ՓԲԸ–ն 36.3 մլրդ դրամով հայտնվել է ցանկի չորրորդ տեղում։
Հնգյակը եզրափակում է «Փրիթի Ուեյ» ՍՊԸ-ն, որը վճարել է մոտ 28 մլրդ դրամի հարկ։ Խոշոր հարկատուների տասնյակում են հայտնվել նաև «Ամերիաբանկը», «Սի փի էս էներջի գրուպ»–ը, «Ֆիլիպ Մորրիս Արմենիա»–ն, «Վիվա Արմենիա»–ն և «Սիթի»–ն։
