ԱՄՆ նախագահ Դոնալդ Թրամփի և Վլադիմիր Զելենսկու միջև հեռախոսազրույց է նախատեսված՝ ուկրաինական հակամարտության կարգավորման ամերիկյան նոր առաջարկները քննարկելու համար, հաղորդում է Sky News-ը՝ հղում անելով իր աղբյուրներին։
Նրանց տեղեկությունների համաձայն՝ Զելենսկին այս հարցի շուրջ նախ խորհրդակցություններ կանցկացնի Մեծ Բրիտանիայի, Ֆրանսիայի, Իտալիայի և Գերմանիայի առաջնորդների հետ։
Համաձայն պլանի, որի բովանդակությունը հայտնի է դարձել արևմտյան լրատվամիջոցներին, Միացյալ Նահանգները և այլ երկրներ պետք է ճանաչեն Ռուսաստանի ինքնիշխանությունը Ղրիմի, Դոնբասի և այլ տարածքների նկատմամբ, որոնք Ուկրաինան պետք է զիջի։
Դրա դիմաց Կիևը կստանա ամերիկյան և եվրոպական անվտանգության երաշխիքներ: Այն տարածքներում, որտեղից դուրս են բերվում ուկրաինական զորքերը, նախատեսվում է ստեղծել ապառազմականացված գոտի:
