Իսրայելի վարչապետ Բենիամին Նեթանյահուն որոշել է նշանակել նախարարների խումբ, որը պատասխանատու կլինի Գազայի հատվածում հրադադարի համաձայնագրի երկրորդ փուլի իրականացման համար, հաղորդում է Ynet-ը։
Պորտալի տվյալներով՝ Նեթանյահուի գլխավորած նախարարական խմբի մեջ կլինեն պաշտպանության նախարար Իսրայել Կացը, արտաքին գործերի նախարար Գիդեոն Սաարը, արդարադատության նախարար Յարիվ Լևինը, ֆինանսների նախարար Բեզալել
Սմոտրիչը և ազգային անվտանգության նախարար Իտամար Բեն-Գվիրը։ Կաբինետի աղբյուրին հղում անելով՝ պորտալը հայտնում է, որ նոր խումբը կսկսի աշխատանքը «առաջիկա օրերին»։
2025 թվականի հոկտեմբերի 6-ին Իսրայելի և Համասի պատվիրակությունները վերսկսեցին անուղղակի բանակցությունները՝ Գազայի հակամարտության կարգավորման համար, որոնք միջնորդությամբ վարում էին Եգիպտոսը, Կատարը, ԱՄՆ-ն և Թուրքիան։
