Ղազախստանի նախագահ Կասիմ-Ժոմարտ Տոկաևը աջակցություն է հայտնել ԱՄՆ նախագահ Դոնալդ Թրամփի՝ ուկրաինական հակամարտության կարգավորման ջանքերին, ինչպես նաև ԱՄՆ-ի կողմից ներկայացված ծրագրին, հայտնում է Ղազախստանի ղեկավարի մամուլի ծառայությունը։
«Ստեղծված բարդ աշխարհաքաղաքական իրավիճակում ես աջակցում եմ ԱՄՆ նախագահ Դոնալդ Թրամփի ջանքերին՝ Ուկրաինայում ստեղծված իրավիճակը կարգավորելու, ինչպես նաև նրա ներկայացրած ծրագրին», - ասել է Կասիմ-Ժոմարտ Տոկաևը Աստանա այցելող ՀՀ վարչապետ Նիկոլ Փաշինյանի հետ համատեղ ճեպազրույցի ժամանակ։
Տոկաևը նշել է, որ ինքը և Հայաստանի վարչապետը մտքեր են փոխանակել տարածաշրջանային և միջազգային արդիական հարցերի շուրջ՝ նշելով նմանատիպ դիրքորոշումներ բազմաթիվ հարցերի վերաբերյալ։
