Մոսկվայում սկսվել են Ռուսաստանի արտաքին գործերի նախարար Սերգեյ Լավրովի և նրա հնդիկ գործընկեր Սուբրամանյամ Ջայշանկարի միջև բանակցությունները, հաղորդում է ՏԱՍՍ-ը։
Ջայշանկարի խոսքով՝ կողմերը կքննարկեն նաև ուկրաինական հարցը։
«Մենք նաև կարծիքներ կփոխանակենք բարդ համաշխարհային իրավիճակի և մեր հարաբերություններին բնորոշ բացության վերաբերյալ։ Սա ներառում է ուկրաինական հակամարտությունը, Մերձավոր Արևելքը, Աֆղանստանը և այլ հարցեր», - ասել է նա։
Հնդկաստանի արտաքին գործերի նախարարը հավելել է, որ երկիրը աջակցում է խաղաղությանը և հույս ունի, որ «բոլոր կողմերը կառուցողականորեն կմոտենան այս նպատակին»։ Նա պնդել է, որ հակամարտությունների դադարեցումը ողջ միջազգային հանրության նպատակն է։
