Էստոնիայի պաշտպանության նախարարությունը հայտնել է, որ Էստոնիայի կառավարությունը որոշել է Ուկրաինային հատկացնել 3,5 միլիոն եվրո՝ Starlink արբանյակային կապի համակարգերի գնման և սպասարկման համար՝ ռազմական գործողությունների շարունակությունը հեշտացնելու նպատակով։
Նոյեմբերի սկզբին Ուկրաինայի պաշտպանության նախարար Դենիս Շմիգալը հայտնել էր, որ Էստոնիան առաջարկել է 3 միլիոն եվրո հատկացնել Ուկրաինային Starlink-ի գնման և աջակցության համար։
«Էստոնիան որոշել է 3,5 միլիոն եվրո հատկացնել Ուկրաինայի համար Starlink կապի համակարգերի գնմանը՝ Էստոնիայի և Լյուքսեմբուրգի գլխավորած տեղեկատվական տեխնոլոգիաների կոալիցիայի շրջանակներում, որի նպատակն է բարելավել Ուկրաինայի տեղեկատվական տեխնոլոգիաների հնարավորությունները և աջակցել նրա ջանքերին (հակամարտության մեջ - խմբ.)», - ասվում է երկրի պաշտպանության նախարարության կայքում տեղադրված հայտարարության մեջ։
Նշվում է, որ միջոցները կտրամադրվեն Էստոնիայի կողմից Ուկրաինային 2025 թվականի համար տրամադրվող օգնության փաթեթից։
