Միացյալ Նահանգները սպասում է, որ ՄԱԿ-ի Անվտանգության խորհրդի բանաձևի նախագիծը Գազայի հատվածում միջազգային ռազմական կոնտինգենտի մանդատի վերաբերյալ կընդունվի հաջորդ շաբաթվա սկզբին, որից հետո կսկսվեն կայունացման կորպուսի աշխատանքի վերաբերյալ մանրամասն քննարկումները: Այս մասին հաղորդում է բրիտանական The Guardian թերթը՝ հղում անելով աղբյուրներին:
Անանուն ամերիկացի պաշտոնյայի խոսքով՝ «մենք նախ պետք է ստանանք» բանաձևը։ «Երկրները հստակ պարտավորություններ չեն ստանձնի, մինչև չտեսնեն ընդունված ձևակերպումները», - ասել է նա։
Մեկ այլ դիվանագիտական աղբյուր նշել է, որ ԱՄՆ-ն չունի զորքեր ուղարկելու ծրագրեր Գազա։ Այնուամենայնիվ, ըստ հրատարակության, ԱՄՆ-ն բաց է եվրոպական երկրների, այդ թվում՝ Մեծ Բրիտանիայի, Ֆրանսիայի և Գերմանիայի, մասնակցության համար միջազգային կայունացման կորպուսին։
