«Բավարիայի» դարպասապահ Մանուել Նոյերը հնարավոր է՝ վերադառնա Գերմանիայի հավաքական: Այս մասին գրում է AS-ը:
Գերմանիայի հավաքականի մարզական տնօրեն Ռուդի Ֆյոլերը կապ է հաստատել 39-ամյա դարպասապահի հետ և հայտնել, որ թիմն ունի նրա կարիքը առաջիկա Մունդիալում: Այս պահին հավաքականի «առաջին» համարն է Մարկ-Անդրե տեր Շտեգենը, բայց «Բարսելոնայի» դարպասապահը երկար ժամանակ է՝ վնասվածք ունի և չի խաղում:
Նոյերը Գերմանիայի հավաքականից հեռացել է 2024թ. ամռանը։ Նա ազգային թիմում 124 խաղից 51-ում դարպասը պահել է անառիկ։
