Նորվեգիայի Ստավանգեր քաղաքի պատկերասրահի աշխատակիցները հինգ օր շարունակ չեն նկատել գրեթե 15,000 դոլար արժողությամբ քանդակի անհետացումը, հայտնել է Նորվեգիայի ոստիկանությունը։
«Ստավանգերի պատկերասրահը երեկ հայտնաբերել է, որ ցուցահանդեսից գողացվել է քանդակը։ Տեսախցիկների մանրակրկիտ ուսումնասիրությունից հետո պատկերասրահը որոշել է, որ գողությունը տեղի է ունեցել նոյեմբերի 4-ին՝ կեսօրին։ Քանդակի արժեքը գնահատվում է 150,000 նորվեգական կրոն (14,800 ԱՄՆ դոլար)», - ասվում է Նորվեգիայի ոստիկանության մամուլի հաղորդագրության մեջ։
Նշվում է, որ ոստիկանությունը դեպքի առթիվ հարուցել է քրեական գործ։
