Կրեմլի մամուլի ծառայությունը հայտնում է, որ նախագահ Վլադիմիր Պուտինը Ղազախստանի նախագահ Կասիմ-Ժոմարտ Տոկաևի հետ հանդիպման ժամանակ կքննարկի երկկողմ հարաբերությունները։
«Բանակցությունների ընթացքում կքննարկվեն ռուս-ղազախական ռազմավարական գործընկերության և դաշնակցության հետագա զարգացմանը վերաբերող արդիական հարցեր քաղաքական, առևտրային, տնտեսական, մշակութային և հումանիտար ոլորտներում, ինչպես նաև տարածաշրջանային և համաշխարհային օրակարգի հիմնական թեմաներ», - ասվում է մամուլի հաղորդագրության մեջ։
Նախագահները տեսակոնֆերանսի միջոցով ելույթ կունենան Ղազախստանի Ուրալսկ քաղաքում կայանալիք 21-րդ միջտարածաշրջանային համագործակցության ֆորումի լիագումար նիստում։ Նրանք նաև կստորագրեն կարևոր երկկողմ փաստաթղթեր։
