Վիլնյուսի գործողությունների պատճառով Բելառուս-Լիտվա սահմանին կուտակվել է ավելի քան 1100 բեռնատար, ասվում է Բելառուսի արտաքին գործերի նախարարության հայտարարության մեջ։
Տեքստում նշվում է, որ Լիտվայի կողմից բելառուս-լիտվական սահմանին անցակետերի միակողմանի փակման պատճառով Բելառուսի տարածքում կուտակվել է ավելի քան «1100 լիտվական բեռնատար մեքենա»։
Բենյակոնի և Կամեննի Լոգ անցակետերի մուտքի ճանապարհներին կենտրոնացած տրանսպորտային միջոցների անվտանգությունն ու պաշտպանվածությունն ապահովելու համար բելառուսական կողմը որոշել է դրանք տեղափոխել Կոտլովկա անցակետի մոտակայքում գտնվող հատուկ կահավորված կայանատեղիներ։
Գործակալության տվյալներով՝ մարդասիրական նկատառումներից ելնելով՝ վարորդներին հնարավորություն է տրվել լքել Բելառուսը և վերադառնալ իրենց մշտական բնակության վայրերը մինչև Լիտվայի կողմից սահմանի լիակատար վերաբացման որոշումը։
Արտաքին գործերի նախարարությունը նշել է իր պատրաստակամությունը օգնություն ցուցաբերել այն վարորդներին, ովքեր տարբեր պատճառներով չեն կարողանում լքել Բելառուսը։
