Իսրայելը դեմ է Գազայի հատվածում ստեղծվող միջազգային կայունացման ուժերին թուրքական զորքերի մասնակցությանը, ճեպազրույցի ժամանակ հայտարարել է Իսրայելի կառավարության խոսնակ Շոշ Բեդրոսյանը։
«Պաղեստինյան անկլավում միջազգային կայունացման ուժերի կազմում թուրքական զորքեր չեն լինի ո՛չ հիմա, ո՛չ անցյալում, ո՛չ էլ ապագայում», – ասել է նա։
Սեպտեմբերի 29-ին Սպիտակ տունը հրապարակեց ԱՄՆ նախագահ Դոնալդ Թրամփի «համալիր ծրագիրը», որն ուղղված է Գազայի հակամարտության կարգավորմանը։
Փաստաթուղթը բաղկացած է 20 կետից և, ի թիվս այլ բաների, նախատեսում է անկլավում ժամանակավոր արտաքին վարչակազմի ստեղծում և այնտեղ միջազգային կայունացման ուժերի տեղակայում: Հոկտեմբերի 9-ին հակամարտության կողմերը ստորագրեցին համաձայնագիր՝ ամերիկացի առաջնորդի խաղաղության ծրագրի առաջին փուլը իրականացնելու վերաբերյալ: Հոկտեմբերի 10-ին ուժի մեջ մտավ Գազայում հրադադարի մասին համաձայնագիրը:
