Ուկրաինայում «Ցենտրէներգոյի» բոլոր ՋԷԿ-երը կանգ են առել նոյեմբերի լույս 8-ի գիշերը Ռուսաստանի զանգվածային հարձակումից հետո։ Այս մասին տեղեկացնում են ընկերությունից։
«Ցենտրէներգոյի» ընկերության ջերմային էլեկտրակայաններին ՌԴ-ի հարվածն ամենազանգվածայինն է 2022 թվականին լայնամասշտաբ պատերազմի սկսվելուց ի վեր, հայտարարել են ուկրաինական ընկերությունում։
Ընկերությանը պատկանում են երեք ջերմաէլեկտրակայաններ՝ Կիևի մարզի Տրիպոլի ՋԷԿ-ը, Խարկովի մարզի Զմիևի ՋԷԿ-ը, ինչպես նաև Դոնեցկի մարզի Ուգլեգորսկի ՋԷԿ-ը, որը գրավել է ՌԴ բանակը 2022 թվականի ամռանը։
Ուկրաինայի պետական մաքսային ծառայությունը հայտնել է, որ սահմանային անցակետերի աշխատանքը վերսկսվում է։ Այն կասեցված էր մի քանի ժամով, մաքսատան փոխանցմամբ՝ դա պայմանավորված էր էլեկտրական էներգիայի բացակայությամբ, որը առաջացել էր անցած գիշեր ռուսական հրետակոծության հետևանքով։
Ուկրաինայի պետական սահմանապահ ծառայությունը իր նշել է՝ էլեկտրաէներգիայի բացակայության պատճառով չի աշխատել մաքսային ծառայության կենտրոնական տվյալների բազան։
