Ռուս-ամերիկյան գագաթնաժողովը Բուդապեշտում կկայանա, երբ պայմանները հարմար լինեն, սակայն դեռևս ոչ ոք չի կարող ճշգրիտ ամսաթիվ նշել։ Այս մասին հայտարարել է Հունգարիայի վարչապետ Վիկտոր Օրբանը Սպիտակ տանը ԱՄՆ նախագահ Դոնալդ Թրամփի հետ բանակցություններից հետո։
Նա նշել է, որ Ռուսաստանի նախագահ Վլադիմիր Պուտինի և Թրամփի միջև Բուդապեշտում կայանալիք հանդիպումը «մնում է օրակարգում»։
«Այն կկայանա, երբ պայմանները հարմար լինեն։ Այս պահին ոչ ոք չի կարող ճշգրիտ ամսաթիվ նշել», - ասել է վարչապետը հունգարացի լրագրողների համար M1 հեռուստատեսությամբ հեռարձակված մամուլի ասուլիսում։
Մեկ օր առաջ նա հայտարարել էր, որ իր կարծիքով՝ Ռուսաստանը և Միացյալ Նահանգները դեռ մեկ կամ երկու հարց ունեն լուծելու՝ Պուտինի և Թրամփի հանդիպման վերաբերյալ համաձայնության գալու համար։
