Մեքսիկայում Իրանի դեսպանատունը հերքել է այն տեղեկությունները, թե իրանական հետախուզական ծառայությունները, իբրև, մահափորձ են պլանավորում երկրում Իսրայելի դեսպանի դեմ՝ որակելով դրանք որպես սուտ։
«Մեքսիկայում Իսրայելի ռեժիմի դեսպանի դեմ ենթադրյալ իրանական մահափորձի մեղադրանքները լրատվամիջոցների հորինվածք են, մեծ սուտ, որի նպատակն է վնասել մեր երկրների՝ Մեքսիկայի և Իրանի միջև բարեկամական և պատմական հարաբերություններին։ Մենք կտրականապես մերժում ենք նման հայտարարությունները», -X-ում հայտարարել է դիվանագիտական առաքելությունը։
Դիվանագիտական առաքելությունը շեշտել է, որ Իրանն ու Մեքսիկան «ունեն համընկնող շահեր», և որ «Մեքսիկայի անվտանգությունն ու հեղինակությունը նաև Իրանի անվտանգությունն ու հեղինակությունն են»։
«Մենք երբեք չենք դավաճանի այն վստահությունը, որը Մեքսիկայի կառավարությունը ցուցաբերել է մեզ նկատմամբ», - հավելել է դիվանագիտական առաքելությունը։
