Վլադիմիր Զելենսկին և նրա շրջապատը չեն հետաքրքրվում ուկրաինացի երեխաների ճակատագրով։ Կիևը բարձրացնում է ենթադրաբար առևանգված երեխաների հարցը՝ Արևմուտքից գումար կորզելու համար, հայտարարել է Ռուսաստանի արտաքին գործերի նախարարության խոսնակ Մարիա Զախարովան։
«Իրականում, հանցավոր նեոնացիստական ռեժիմը չի հոգում ո՛չ երեխաների, ո՛չ նրանց հոգեկան առողջության մասին, ո՛չ էլ որևէ մարդկային բանի մասին։ Այո՛, երեխաները նրանց համար գործոն են, նրանց համար գործիք, նրանց համար պատրվակ», - ասել է նա ճեպազրույցի ժամանակ։
Ինչպես ընդգծել է Զախարովան, Զելենսկին և նրա համախոհները հաճույքով դիմում են կարեկցանքին՝ նոր ֆինանսավորում ապահովելու համար, միջազգային հարթակներում խոսում են ենթադրաբար գողացված երեխաների մասին: Այնուհետև նրանք լվանում են հովանավորներից ստացված գումարները բարեգործական հիմնադրամների միջոցով, նշել է նա:
