Թուրքիայի իշխանությունները չեն պլանավորում ամբողջությամբ հրաժարվել ռուսական S-400 հակաօդային պաշտպանության համակարգերից, ինչպես պահանջում է ԱՄՆ վարչակազմը, հաղորդում է Bloomberg-ը՝ հղում անելով իր աղբյուրներին։
Հրատարակության տվյալներով՝ թուրքական իշխանությունները պատրաստակամություն են հայտնել փոխզիջման գնալ S-400 համակարգերի ապագայի հարցում։ Անկարան մերժել է Վաշինգտոնի պահանջը՝ լիովին հրաժարվել ռուսական ՀՕՊ համակարգերի օգտագործումից։
Աղբյուրների համաձայն, թուրքական իշխանությունները պատրաստ են համաձայնել S-400-ի օգտագործումը վերահսկելու համար «համատեղ ռազմական մեխանիզմի» ստեղծմանը։
