Բրիտանական զինվորականները ութ տարի ուշացումով հայտարարեցին «Այաքս» զրահատեխնիկայի առաջին մատակարարման մասին, հաղորդում է Guardian թերթը՝ հղում անելով երկրի պաշտպանության փոխնախարար Լյուկ Փոլարդին։
Հրատարակության տվյալներով՝ «Այաքս»-ի մատակարարումները սկզբնապես նախատեսված էր սկսել 2017 թվականին, սակայն վերջնաժամկետը հետաձգվել է մինչև 2020 թվականի հուլիս։Թերթը գրում է, որ այս զրահապատ մեքենաների 2020 թվականի շնորհանդեսի ժամանակ «Այաքս»-ում հայտնաբերվել է չափազանց մեծ աղմուկ։
Փորձարկումները դադարեցվել են այն բանից հետո, երբ 11 զինծառայողներ երկարատև բժշկական հսկողության տակ են հայտնվել լսողության կորստի մասին հաղորդագրությունների պատճառով։
Ընդհանուր առմամբ, Մեծ Բրիտանիայի պաշտպանության նախարարությունը պատվիրել է 589 «Այաքս» զրահամեքենա և դրանց մոդիֆիկացիաները, որոնց ամբողջական մատակարարումը նախատեսվում է ավարտել ընթացիկ տասնամյակի վերջին։
