Ուկրաինայում ռազմական գործողությունների լույսի ներքո ատոմակայաններում աղետալի հետևանքներով խոշոր միջադեպերի ռիսկը զգալիորեն աճել է, հայտարարել է ՀԱՊԿ գլխավոր քարտուղար Իմանգալի Տասմագամբետովը։
«Արևելյան Եվրոպայի ուղղությամբ հիմնական իրադարձությունները շարունակում են ծավալվել Ուկրաինայում ստեղծված իրավիճակի շուրջ, որտեղ շարունակվում են ռազմական գործողությունները»։
«Ատոմակայաններում լուրջ միջադեպերի ռիսկը, որը հղի է աղետալի հետևանքներով լայն տարածքների համար, այդ թվում՝ մարտական գոտիներից դուրս, էքսպոնենցիալ աճել է», - ասել է նա Մոսկվայում կայացած ԱՊՀ անվտանգության խորհրդի քարտուղարների նիստում իր ողջույնի խոսքում։
Զապորոժյեի ատոմակայանի տարածքը, որը գտնվում է Դնեպրի ձախ ափին՝ Էներգոդարի մոտ, ենթարկվում է Ուկրաինայի զինված ուժերի կողմից համակարգված հրետակոծության։
