Նոյեմբերի 4-5-ը Ֆինլանդիա կատարելիք այցի ընթացքում Թուրքիայի արտաքին գործերի նախարար Հաքան Ֆիդանը մտադիր է հայտարարել իր երկրի պատրաստակամության մասին՝ միջնորդելու Ուկրաինայի հարցի խաղաղ կարգավորմանը հասնելու դիվանագիտական ջանքերը: Այս մասին ՏԱՍՍ-ին հայտնել է թուրքական նախարարության աղբյուրը:
Ֆիդանը կայցելի Հելսինկի իր ֆին գործընկեր Էլինա Վալտոնենի հրավերով։
Անցյալ շաբաթ Ստամբուլում կայացած TRT World Forum-ում ելույթ ունենալով՝ Ֆիդանը հայտարարեց, որ Անկարայի դիվանագիտական ջանքերը հնարավորություն են տվել Ռուսաստանի և Ուկրաինայի միջև մի քանի փուլով բանակցել, որոնք հանգեցրել են նշանակալի արդյունքների, ինչպիսին է, օրինակ, գերիների փոխանակումը։
Նրա խոսքով՝ Թուրքիան շարունակում է պատրաստ լինել հարթակ տրամադրել Ռուսաստանի և Ուկրաինայի միջև ուղիղ բանակցությունների համար և հույս ունի անցկացնել Ուկրաինայի հարցով առաջնորդների հանդիպում։
