Թուրքմենստանի նախագահ Սերդար Բերդիմուհամեդովը աշխատանքային այցով մեկնել է ԱՄՆ, որտեղ նոյեմբերի 6-ին կմասնակցի Կենտրոնական Ասիա-ԱՄՆ գագաթնաժողովին, հաղորդում է TDH պետական լրատվական գործակալությունը։
Բերդիմուհամեդովը նաև երկկողմ բանակցություններ կվարի ԱՄՆ նախագահ Դոնալդ Թրամփի հետ։
Նոյեմբերի 6-ին Վաշինգտոնում կայանալիք հանդիպումը կլինի առաջին գագաթնաժողովը, որին կմասնակցի Թրամփը։ Նախկինում Կենտրոնական Ասիայի երկրների առաջնորդները 2023 թվականի սեպտեմբերին հանդիպել էին C5+1 ձևաչափով այն ժամանակ ԱՄՆ նախագահ Ջո Բայդենի հետ։
