Պաղեստինյան ՀԱՄԱՍ շարժումը կոչ է անում արագացնել Գազայի հատվածի վերականգնման նպատակով կոմիտեի ստեղծումը՝ դրա կառավարման համար, հայտարարել է ՀԱՄԱՍ-ի խոսնակ Հազեմ Քասեմը։
«Մենք կոչ ենք անում արագացնել կոմիտեի ձևավորումը, որին կփոխանցվի Գազայի հատվածի կառավարումը՝ դրա վերակառուցման համար», - ասել է նա «Ալ Ջազիրա»-ին: Համասի խոսնակը նշել է, որ շարժումը «հավատարիմ է Գազայի հատվածում հրադադարի համաձայնագրի պայմաններին և ճկունություն է ցուցաբերել իշխանությունը Պաղեստինի ազգային վարչակազմին փոխանցելու հարցում»:
Մեկնաբանելով պաղեստինյան խմբակցությունների Կահիրեում կայացած հանդիպումների արդյունքները՝ Քասեմը հավելել է, որ կողմերը համաձայնության են եկել Գազայի կառավարման հաջորդ փուլի պայմանների շուրջ, որը կիրականացվի առանց Գազայի հատվածը և Արևմտյան ափը բաժանելու։
Միաժամանակ, միջպաղեստինյան առաջիկա խորհրդակցություններում կքննարկվեն ՄԱԿ-ի ուժերի տեղակայման, Համասի մարտիկների կողմից զենքի հանձնման, ինչպես նաև Իսրայելի հետ հարաբերությունների հետ կապված հարցեր։
